Dei to Karnaljane
Trekkspel, håp og kjærleik
Den keltiske Sande
- Viseforestilling
Her går mørk humor, spit og vemod hand i hand i tonar som luktar av både irske pubar og vestnorske fjordbygder.
Jakob Sande blir gjerne omtala som ein vestnorsk diktar, men i tekstane hans finn vi også den same blandinga av humor, sjølvironi og vemod som har prega den keltiske forteljartradisjonen gjennom generasjonar.
Med Den keltiske Sande løfter Dei To Karnaljane fram denne koplinga. Prosjektet byggjer vidare på tradisjonen med tonesette Sande-dikt, samstundes som duoen opnar for eit musikalsk landskap der vestnorske folketonar møter impulsar frå Irland og Skottland.
Vestlandskysten er vend mot havet. Sjøfolk, fiskarar og handelsfolk reiste mellom hamner og bygder, og med dei følgde melodiar, forteljingar og songar. Mellom desse finn vi også shantyane, arbeidssongane frå dekk og hamn, med rytmar som framleis kling att på begge sider av Nordsjøen.
Når Ronny Nymark Johannessen på trekkspel og Halvard Husefest Lunde på gitar tolkar Sande, blir slektskapet tydeleg; mellom Sunnfjord og dei keltiske kystane, mellom det folkelege og det poetiske, mellom latteren og alvoret.
